Username *
Password *
an mich erinnern

Volkslieder & Mundart

Dr Sidi Abdel Assar

Dr Sidi Abdel Assar vo el Hama
het mal am Morge früeh no im Pyjama
ir Strass vor der Moschee
zwöi schöni Auge gseh
das isch dr Afang worde vo sym Drama

S’isch d’Tochter gsy vom Mohamed Mustafa
dr Abdel Assar het nümm chönne schlafa
bis är bim Mohamed
um d'Hand aghalte het
und gseit i biete hundertfüfzig Schaf a

Dr Mohamed het gantwortet: Bi Allah
es freut mi das my Tochter dir het gfalla
doch wärt isch si mi Seel
zweuhundertzwänzg Kamel
und drunder chan i dir se uf ke Fall la

Da het der Abdel Assar gseit: O Sidi
uf so ne tüüre Handel gang i nid y
isch furt het gly druf scho
e Billigeri gno
wo nid so schön isch gsy derfür e Gschydi

Doch wenn es Nacht wird über der Sahara
luegt är der Mond am Himmel hell und klar a
und truuret hie und da
de schöne Auge na
und tänkt: Hätt i doch früecher afa spara

Auf der Gitarre begleiten

Griffe: A D A E A


 1549,    17  Feb  2016 ,   Volkslieder
bluebrowncustomgreenorangepinkredturquoiseyellow